څېړونکې وايي داسي باکټریاوي شتون لري چې په روغتونونو کې د ناروغ له بسترېدو سره سم پرې حمله کوي، نو له همدې امله ناروغان باید د بسترېدو سره هم مهاله د جدي پاملرنې لاندې ونیول شي
د واشنګټن د طبي پوهنتون د څېړنو له مخې هر کال کابو۱۰۰ زره خلک د امریکا په متحده ایالتونو کې د عفوني ناروغیو سره مخ کیږي.
مطالعات ښيي چې په احتمالي ډول په دې ناروغیو کې مضر باکټریاوي د ناروغ له بدن څخه د منبعې په توګه کار اخلي او مخکې له دې چې ناروغ پرې پوه شي دغو وږونکو باکټریاوو د هغه بدن کې ځای اخیستي وي.
دا باکټریاوي د سالم کسانو سره کار نلري خو کیدای شي د ژوند لپاره په ګواښ کوونکي عفونتونو باندې بدل شي.څېړونکو پر موږکانو د کانترونو د ازمایلو پر مهال دې ته پام شو چې موږکان پس له ازمایښته د بولي ( ادراري) سیسټم د عفونت سره مخ شوي دي.
د یو شمېر نورو ازمایښتونو وروسته جوته شوه چې اسینتو باکتریاوي د دې عفونت لامل دي.
اسینتو باکتریاوي کولی شي ادراري، ریوي او یو شمېر نور عفونتونه رامنځته کړي.
دا باکټریاوي یو ډول فرصت طلبه یا تراتوژن ( آسیب زېږونکي) ګڼل کیږي چې د بدن د معافیت د ټېټېدو سبب کرځي.
که څه هم د دې باکټریاوو طبیعي هستوګنځۍ جوته نده خو په خاوریزو او د اوبو په چاپیریال کې پیداکيږي.
څېړونکي وایي هغه ناروغان چې د جراحۍ او عملیاتو لاندې تلونکي دي، باید د دې باکټریاوو څخه لیرې وساتل شي ځکه د روغتونونو د دواپاشي سربېره هم د دې باکټریاوو د اخته کېدو مخنیوی نشي کیدی.
ژباړه:
فریحه بارکزۍ