پیټرپاول د لوېدیځ ملاتړی دی او له اوکراین سره د مرستې ننګه کوي.
ده تېره شپه په پلازمېنه پراګ کې خپلو پلویانو ته وویل: “زه یوازې له هغو کسانو څخه نه چې ماته یې رایه راکړې، له هغو څخه هم مننه کوم چې ماته یې رایه نه ده راکړې او د رایي ورکولو لپاره راوتلي وو، ځکه دغه کسان ډیموکراسۍ ته او هغه څه ته چې په دې هېواد کې تېرېږي اهمیت ورکوي.”
همداراز د چک پخواني صدراعظم او میلیاردر اندري بابیش خپله ماتې ومنله.
۶۱ کلن پاول د انتخاباتي کمپاین پرمهال ژمنه کړې وه چې په کلکه به د ناټو، اروپایي ټولنې او له اوکراین سره د مرستې ملاتړي وي.