د دې وزارت ویاند نېډ پرایس پرون دا خبرې په پاکستان کې له افغان کډوالو سره د نامناسب چلند په اړه د یوې پوښتنې په ځواب کې کړي دي.
ښاغلي پرایس زیاته کړې چې متحده ایالات په دې هکله له پاکستاني لورې سره په منظم ډول د خبرو په حال کې دی.
هغه همدارنګه له ټولو هېوادونو غوښتې دي، له افغان کډوالو سره چې په هر هېواد کې اوسیږي د نړیوالو اصولو پر بنسټ مناسب چلند وکړی.
دا په داسې حال کې ده چې همدا اوس د ښځو او ماشومانو په ګډون په سلهاو افغانان د پاکستان په زندانونو کې بندیان دي.