راویلز لوبډلې لومړی بیټینګ ترسره کړ او په ټاکلو شلو اورونو کې یې د ۷ لوبغاړو په سوځېدو سره ۱۴۲ منډې وکړې.
د کېپ ټاون په بالینګ کې جوفرا ارچر ښه وځلید، چې په ۴ اورونو کې یې ۲۷ منډې ورکړې او ۳ لوبغاړي یې وسوځول.
راشد خان په دې لوبه کې ۴ اورونه ترسره کړل، ۲۸ منډې یې ورکړې، خو د ویکټې په اخستلو بریالی نشو.
دا په سوداګریزو شل اوریزو سیالیو کې د راشد خان دویم ځل لوبډلمشري ده چې هغه دواړه لوبې ګټلې دي، تر دې وړاندې راشد د هند غوره لیګ په یوه سیالۍ کې د لوبډلمشر نه لوبیدو له امله د ګجرات لوبډلې مشري کړې وه او لوبه یې ګټلې وه.