د بدخشان د اطلاعات او فرهنګ رییس معزالدین احمدي په یوه اعلامیه کې خبر ورکړی دی چې د یاوان ولسوالۍ د خیراباد د سرو زرو کان د پنجشنبې په ورځ ښوېدلې وو.
د کان ښوېدنې په دې پېښه کې دری کسان بند پاته وو چې یو یې ماسپيښين مهال ژغورل شوی و او دوه نور د شنبې په شپه نهه بجې او شل دقیقې له خاورو ژوندي راویستل شول.
د دغې ژغورنې وډیوګانې او عکسونه د بدخشان د اطلاعات او فرهنګ د ریاست په فیسبوک پاڼه هم خپاره شوي دي.