په دغه نړیوال جام کې تېره شپه درې لوبې وشوې.
ایران شپږ پر دوه له انګلستان ماته وخوړه، هالند دوه پر صفر سینیګال ته ماته ورکړه او په درېیمه او وروستۍ لوبه کې هم امریکا او وېلز سره مخ شول چې لوبه یو یو مساوي پای ته ورسېده.
نن به څلور لوبې ترسره شي.
لومړۍ لوبه د ارجنتاین او سعودي عربستان لوبډلو ترمنځ وي ، دویمه لوبه د ډنمارک او تونس ترمنځ ده، درېیمه مکسیکو او پولنډ ترسره کوي او څلورمه فرانسه او اسټرالیا لوبوي.
د ۲۰۲۲ فوټبال نړیوال جام د نړۍ د ۳۲ ټیمونو په ګډون د قطر په کوربه توب د یکشنبې په ورځ رسما پیل شو.