دې ادارې دا اعلان وروسته له هغه کړی دی چې ا.ا د ملګروملتونو په ادارو کې د ښځو پر کار بندیز تمدید کړ.
د ملګروملتونو د سرمنشي ویاند ستیفان دوجاریک پرون ماښام په نیویارک کې د ملګروملتو په مقر کې خبریالانو ته وویل، په افغانستان کې د دې سازمان د مرستندوی دفتر- یوناما کارکوونکو د ا.ا چارواکو لهخوا شفاهي بیانونه ترلاسه کړي چې له مخې یې د ښځینه کارکوونکو پر کار د بندیز امر شوی .
یوناما مخکې هم ویلي و، په ننګرهار کې د ا.ا له لورې د دوی ښځینه کارکوونکو ته ویل شوي چې دفترونو ته دې نهځي.
ښاغلي دوجاریک وویل، ملګري ملتونه د خپل دې اقدام اغېزو ته په کتو، نن- چهارشنبې به د دغې پرېکړې په اړه د وضاخت تر لاسه کولو په هدف د ا.ا د بهرنیو چارو د وزارت له چارواکو سره وګوري.
ملګري ملتونه وايي چې اوس مهال شاوخوا ۴۰۰ ښځېنه کارکوونکي یې په دفترونو کې کار کوي.