په نړیواله کچه سږکال ۳۶۳ ژورنالېستان بندیان شوي دي چې دا کچه په تېرو درې لسیزو کې بې سارې ګڼل شوې ده
د ژونالېستانو د مصؤنیت کمېټې (ډ یسمبر په ۱۴مه) ویلي د نوي احصایې لهمخې دا په تېرو دېرشو کلونو کې لومړی ځل دی چې په نړیواله کچه د زنداني شویو ژورنالېستانو دومره لوړ شمېر ثبتیږي.
دې کمېټې ویلي دي چې، د ډیسمبر تر پیله ۳۶۳ ژورنالېستان د زندانونو د میلو تر شا وو چې په دې ارقامو کې د ۲۰۲۱ میلادي کال په پرتله ۲۰ سلنه ډېروالی راغلی دی.
د ژونالېستانو د مصؤنیت د کمېټې د کلنۍ احصایې لهمخې ایران د نړۍ په کچه تر ټولو ډېر ژورنالېستان بندیان کړي.
چین، میانمار، ترکیه او بیلاورس تر ایران وروسته د دویمې درجې هېوادونو په ډله کې یاد شوي چې ډېر ژورنالېستان پهکې بندیان دي.