ټوېټر اعلان وکړ چې ایلن ماسک په ۴۴ میلیارد ډالره د دې ټولنیزې شبکې اخیستلو ته راضي شوی دی.
ټوېټر وايي چې د دې معاملې پر اساس به د ټوېټر هره ونډه په ۵۴ اعشاریه ۲۰ ډالره پلوري.
د دې خبر له اعلانېدو وروسته د ټویټر د هرې ونډې ارزښت ۲۲ سلنه لوړ شو.
ایلن ماسک چې د نړۍ تر ټولو شتمن کس دی، د سږ کال په اپریل کې يې هم په ۴۴ میلیارد ډالره د ټوېټر له رانیولو سره موافقه کړې وه خو وروسته بیا بېرته پر شا شو او د دې مسلې پر سر د دواړو خواوو ترمنځ حقوقي دعوه پیل شوه