د ا.ا دفاع وزیر محمد یعقوب مجاهد د افغانستان لپاره د امریکا ځانګړي استازي ټام وېست ته ډاډ ورکړ چې، د افغانستان له خاورې هیچا ته به ګواښ پېښ نشي.
مجاهد او وېسټ پرون د متحده امارت په پلازمینه ابوظبۍ کې سره کتلې دي چې د دې خبرو جزییات د ا.ا د دفاع وزارت له لورې خپاره شول.
محمد یعقوب مجاهد او ورسره پلاوی یې له تېرو دوو ورځو راهیسې په اماراتو کې دی او هلته یې د هغه هېواد له لوړپوړو چارواکو سره هم په دوه اړخیزو مسلو خبرې کړي دي.
ا.ا داسې مهال نورو هېوادونو ته امنیتي ډاډ ورکوي چې تر دې وړاندې د سیمې یو شمېر هېوادنو ویلي، وو چې په افغانستان کې اوس هم نړیوالې او سیمهییزې ترهګرې ډلې لکه، داعش، القاعده تحریک طالبان پاکستان او ورته نور وسلهوال ګروپونه فعالیت کوي.