راشد خان د افغانستان د کرکټ ورو توپ اچونکی یو ځل بیا د نړۍ په کچه د شل اوریزو لوبو غوره توپ اچونکی وپېژندل شو.
دا خبر د کرکټ نړیوالې شورا یا ‘ای سي سي’ پرون چهارشبنه د اکټوبر ۲۶مه د خپلې تازه درجه بندۍ پر بنسټ ورکړی دی.
تر راشدخان مخکې اسټرالیایی بالر جوش هزلوډ د نړۍ په کچه د شل اوریزو لوبو د غوره بالرانو په سر کې و.
راشد خان تر دې مخکې هم د غوره بالرانو د فهرست په سر کې و .
هغه د نړۍ په مشهورو لیګونو ای پي ایل، بیګ باش او نورو کې هم لوبېږي،او اوسمهال د نړیوالو شل اوریزو لوبو لپاره په اسټرلیا کې د افغان لوبډلې په ترکیب کې ګډون لري.