دا خبره د یادو تحصیلي بورسیو اړوندې ادارې پرون اعلان کړې ده.
د دغو معتبرو تحصیلي بورسونو لپاره د غوښتنلیکونو موده معمولاً د نومبر په اوله ختمیږي خو د افغانانو لپاره یې د نومبر تر پنځلسمې وخت غځولی دی.
د چیفنېنګ ادارې ویلي چې د راتلونکي تحصیلي کال لپاره یوازې د هغو افغانانو غوښتلیکونه منل کیږي، چې له افغانستان راوتلي او د سیمې په هېوادونو کې مېشت وي.
دغه اداره وایي چې برېټانیا او د چیفنېنګ بورسیو اداره د افغانانو ژوند او امنیت په نظر کې نیسي او هغه کسان چې له افغانستانه غوښتنلیکونه ورلیږي ښایي له داسې جدي امنیتي ګواښونو، لوجستیکي او مالي ستونزو سره مخ شي چې د برېټانیا حکومت ورسره مرسته ونکړای شي.