د اوکراین د ولسمشر ویلادمیر زلنسکي د دفتر مشر اندري یرمک په ټیلګرام کې ویلي په دې تبادله کې ۱۰۸ ښځې خوشې شوي چې زیاتره یې د اوکراین د وسلهوالو ځواکونو غړې دي.
دا تبادله د اکتوبر په ۱۷ شوې ده،دچې په اوکراین د روسیې د یرغل له پیله د ښځینه بندیانو لومړنۍ لویه تبادله وه.
یرمک وویل، په خوشې شویو بندیانو کې ۳۷ تنه يې هغه ښځې وې چې د اوکراین په ماریوپول ښار کې د فولادو په کارخونه کې د څو اونیو جګړو په ترڅ کې بندې پاتې وې.
د اوکراین د ولسمشر د دفتر رئیس د هغو روسي ښځو د شمېر او جزییاتو په اړه معلومات ورنه کړل چې دوی ورخوشې کړي او دا مسله یې حساسه وبلله.